കോഴിക്കോട്: വടകരയില് 25കാരനെ കാണാതായി. ആയഞ്ചേരി സ്വദേശി വിഷ്ണു പ്രകാശിനെ (25) ആണ് കാണാതായത്.
ബാങ്കിലേക്ക് പോകുന്നുവെന്ന് പറഞ്ഞാണ് വിഷ്ണു വീട്ടില് നിന്നിറങ്ങിയത്. ഇക്കഴിഞ്ഞ 13ാം തീയതി മുതലാണ് യുവാവിനെ കാണാതായത്.വടകര പൊലീസ് കേസെടുത്ത് അന്വേഷണം തുടങ്ങി.
വിഷ്ണു ലോണ് ആപ്പില് നിന്നും 10,000 രൂപ ലോണ് എടുത്തിരുന്നു. ഇതിന്റെ തിരിച്ചടവ് മുടങ്ങിയതിനാല് നിരന്തരം ഭീഷണി കോളുകള് വന്നിരുന്നതായി കുടുംബം പറയുന്നു.കുടുംബം വടകര പോലീസിലും സൈബർ സെല്ലിലും പരാതി നൽകിയട്ടുണ്ട്. വിഷണുവിൻ്റെ ഫോൺ സ്വിച്ച് ഓഫ് ചെയ്തിരിക്കുകയാണ്
About the Author
