
തോടന്നൂര് ഉപജില്ല കലോത്സവം 14 മുതല് 18 വരെ തിരുവള്ളൂർ ശാന്തിനികേതൻ ഹയർസെക്കൻഡറി സ്കൂളിൽ, മാറ്റുരക്കുന്നത് 4000 പ്രതിഭകള്തിരുവള്ളൂര് ശാന്തിനികേതന് ഹയര് സെക്കന്ററി സ്കൂളില് 14,15,17,18 തീയതികളില് നടക്കുന്ന തോടന്നൂര് ഉപജില്ലാ സ്കൂള് കലോത്സവത്തിന്റെ ഒരുക്കം പൂര്ത്തിയായതായി സംഘാടക സമിതി ഭാരവാഹികള് വാര്ത്താ സമ്മേളനത്തില് അറിയിച്ചു.
ഏഴ് വേദികളിലായി മുന്നൂറിലധികം ഇനങ്ങളിലായി 4000 ത്തോളം പ്രതിഭകള് മാറ്റുരക്കും. ഇതോടൊപ്പം അറബിക് സാഹിത്യോത്സവം, സംസ്കൃതോത്സവം, അറബി സാഹിത്യോത്സവം എന്നിവയും നടക്കും. ആറ് ഹയര് സെക്കന്ററി സ്കൂളുകളിലേയും 68 പ്രൈമറി സ്കൂളുകളിലെയും കുട്ടികളാണ് കലോത്സവത്തില് പങ്കെടുക്കും.
14 ന് രചനാ മത്സരങ്ങളോടൊപ്പം സ്റ്റേജിന മത്സരങ്ങളും അരങ്ങേറും. 15 ന് വൈകീട്ട് മൂന്ന് മണിക്കാണ് ഔപചാരിക ഉദ്ഘാടനം. ഉദ്ഘാടന, സമാപന സമ്മേളനങ്ങളില് കലാസാംസ്കാരിക രംഗം പ്രമുഖരും വിദ്യാഭ്യാസ വകുപ്പ് മേധാവികളും പങ്കെടുക്കും.വാര്ത്താ സമ്മേളനത്തില് എഇഒ കെ.പ്രേമചന്ദ്രന്, ശാന്തിനികേതന് ഹയര് സെക്കന്ററി സ്കൂള് പ്രിന്സിപ്പള് പ്രസീത കൂടത്തില്, ടി.അജിത്ത് കുമാര്, വിപിന് കളരിയേല്, കെ.വിനീഷ്, കെ.കെ.സഗീഷ് എന്നിവര് പങ്കെടുത്തു
